பெண்ணாய் உணரும் தருணங்கள்
சின்னஞ்சிறுவயதில்
இன்னொரு குழந்தையை
நிர்வாணமாய்ப் பார்க்க நேர்ந்து
விவரம் கேட்ட போதும்
குசுகுசுப்பாய்ப் பேசிக் கொண்டிருந்த
பள்ளித்தோழிகளுடன்
கூட்டுச் சேர்ந்த போதும்
சேர்ந்து விளையாட
தடை விதிக்கப் பட்ட போதும்
எனத் தொடர்ந்து
பருவமெய்தி
வெறுத்திருந்த போதும்
விளக்கம் தரப்பட்டு
தளர்ந்திருந்த போதும்
இன்னும்
தனிவழி போக
தயங்கிய போதும்
தைரியம் வளர்த்து
தனிநடந்த போதும்
பழக்கிய பெண்ணுடை
பற்பல சமயங்களில்
சிற்சிறு பணிகளில்
குறுக்கிட்டு தடங்கல்கள்
விளைவித்த போதும்
பெண்ணென்பதாலேயே
என் சாதாரணச் செயல்கள்
அசாதாரணமாய்
அறிவிக்கப் பட்ட போதும்
பெண்ணென்பதாலேயே
என் முயற்சி முனைப்புகள்
மறுக்கப்பட்ட போதும்
மறுப்புகள் தாண்டி
ஜெயித்தெழுந்த போதும்
காதல் கடிதங்களின்
கற்பனை வர்ணனைகள்
சலிப்பைத் தந்து
சங்கடப் படுத்திய போதும்
கனிந்த காதலில்
களித்திருக்கையிலும்
தாய்மையை என்னில்
தரித்திருக்கையிலும்
நான் பெண்ணென்றுணர்ந்தோ
உணர்த்தப்பட்டோ
வளர்ந்து வந்திருக்கிறேன்
மற்றபடி
நானொரு பெண்ணென்ற நினைவை
நெஞ்சில் இருத்தி
நித்தமும் உழன்று
தவித்ததில்லை
ஆனாலும்
தன்னுணர்வோடும்
தப்பித்தல்களோ
தயக்கமோ இன்றியும்
தாழ்வுணச்சிகள் ஏதுமின்றியும்
கெஞ்சி நிற்காமலும்
இவர்களால் வகுக்கப்பட்டிருக்கும்
வரையரைகளைத் தாண்டியும்
நான் 'பெண்' என்பதை உணர்ந்தே
வாழக் கற்றுக் கொண்டிருக்கிறேன்.
7 Comments:
நல்ல கவிதை!
//ஆனாலும்
தன்னுணர்வோடும்
தப்பித்தல்களோ
தயக்கமோ இன்றியும்
தாழ்வுணச்சிகள் ஏதுமின்றியும்
கெஞ்சி நிற்காமலும்
இவர்களால் வகுக்கப்பட்டிருக்கும்
வரையரைகளைத் தாண்டியும்
நான் 'பெண்' என்பதை உணர்ந்தே
வாழக் கற்றுக் கொண்டிருக்கிறேன்
//
அதுதான் நல்லது!
உங்கள் வருகைக்கும் மறுமொழிக்கும் நன்றி நண்பரே! காலந்தாழ்ந்த நன்றி!
இயல்பா சொல்லி இருக்கீங்க கவிதைக்காக சும்மா சம்பவங்களை உற்பத்தி செய்யாம வாழ்க்கையில் எல்லாருக்கும் நடக்கும் சம்பவங்களையே சொல்லி இருப்பது நல்லா இருந்தது.
///
காதல் கடிதங்களின்
கற்பனை வர்ணனைகள்
சலிப்பைத் தந்து
சங்கடப் படுத்திய போதும்
///
நிறைய கடிதங்கள் வந்திருக்கும் போல உங்களுக்கு :-))))
இயல்பா சொல்லி இருக்கீங்க கவிதைக்காக சும்மா சம்பவங்களை உற்பத்தி செய்யாம வாழ்க்கையில் எல்லாருக்கும் நடக்கும் சம்பவங்களையே சொல்லி இருப்பது நல்லா இருந்தது.
உங்களின் வார்த்தைகளும் இயல்பாய் இருக்கிறது நண்பரே! பெயருக்கு பாராட்டாமல் நிஜமாய் விமர்சிக்கிறது உங்கள் வார்த்தைகள்!! நன்றி!
////மறுப்புகள் தாண்டி
ஜெயித்தெழுந்த போதும///
அது தான் தேவை...!!!!
தங்கள் வருகைக்கு நன்றி! புரிதலுக்கு வாழ்த்துக்கள் ரவி!!
கவிதை நன்று..
Post a Comment
<< Home